In die stil hoekies van ons gemeenskappe leef bejaarde dames wat jare lank hul gesinne gedra het, sterk vroue wat nou broos geword het. Vele van hulle oorleef op ‘n klein SASSA toelaag… en sommige het selfs nie meer die krag om self te beweeg nie.

Afri Vroue Fonds wil weer lig bring waar daar donker is. Ons is trots om aan te kondig dat ons een rolstoel sal skenk aan ‘n verdienstelike bejaarde vrou wat in nood is, iemand vir wie hierdie geskenk nie net gerief bring nie, maar weer vryheid en waardigheid.

Ken jy so ‘n ouma? Iemand wie se dae te swaar geword het sonder hulp?

📝 Nomineer haar vandag. Vertel ons haar storie. Deel haar behoefte.

📄 Voltooi die onderstaande vorm.

🗓️ Alle nominasies sal op ons Facebook blad aangekondig word.

🎉 Die begunstigde word bekend gemaak sodra alle inskrywings oorweeg is.

Kom ons gee terug met hart. Kom ons wys dat elke ouma steeds gesien word, nie net met woorde nie, maar met werklike omgee.