Afri Vroue Fonds

Afri Vroue Fonds

Afri-Vroue Fonds vind hul vreugde daarin, om senior dames te eer, te bederf, en om hul wysheid, krag en skoonheid te vier. Deur ons inisiatiewe skep ons betekenisvolle ervarings wat vreugde, samesyn en ‘n gevoel van waarde na die lewens van senior dames regoor Suid-Afrika kan bring.

Wie is Ons

Afri-Vroue Fonds bied maandelikse oggendtee-funksies landwyd aan, waar senior dames bederf word met ‘n heerlike verskeidenheid versnaperings, geskenke, inspirerende sprekers, en opbouende musikale vermaak. Hierdie byeenkomste bied ‘n geleentheid vir senior dames om met ander te verbind, ‘n verandering van hul daaglikse roetine te geniet, en om gekoester en waardeer te voel.

Tydens hierdie oggendtee-geleenthede, reik ons ook uit na SASSA-pensioenaris- dames in nood, d.m.v. inkopie-geskenkbewyse, ten einde hul ontoereikende pensioenfondse aan te vul. Hierdie GRATIS koopbewyse bied ‘n welkome verligting en verseker dat hierdie verdienstelike vroue benodighede bekom kan word.

Ons Visie

Afri-Vroue Fonds se visie is, om die skoonheid, wysheid, broosheid en krag van senior dames te eer en te vier, sodat hulle gewaardeer, gekoester, en raakgesien sal voel; en sal weet dat hulle nie alleen is nie. Ons wil graag betekenisvolle ervarings skep
wat vreugde, samesyn, geskenke en ‘n gevoel van waarde na die lewens van senior
dames sal bring.

Ons Missie

Om GRATIS landswye oggendtee-funksies aan senior dames aan te bied, met geestelik-inspirerende sprekers, smaakvolle musiek, geskenke, pryse en opbouende vermaak; asook ondersteuning aan SASSA pensioenaris-dames, d.m.v. inkopie-geskenkbewyse, ten einde hul ontoereikende SASSA pensioen aan te vul. Ons is toegewyd daaraan om senior dames te eer en te bederf d.m.v.
hierdie landswye funksies, ten einde hul onskatbare bydraes aan hul gesinne en aan die samelewing te erken, en hul welstand
en geluk te bevorder.

Raak Betrokke

Adverteer jou Besigheid, Produkte en Dienste – Gratis, dra by tot die “goodie bags”/ geskenkpakkies wat ons met elke funksie aan dames uitdeel om te geniet: ‘n klein sjokolade, sneesdoekies, ‘n Bybel boekmerk, handeroom, sjampoo, lipstiffies, ‘n sepie ens. en geniet blootstelling vir jou eie besigheid daardeur. Kontak ons in die verband by administrasie1@afrivrouefonds.co.za / 0673154617

Senior dames, ‘n skatkis van ondervinding: vreugde, pyn en wysheid deur selflose opoffering. Hulle het deur die lewe gereis, verskeie rolle vervul, dikwels hul eie drome opgeoffer vir die welstand van ander. By Afri-Vroue Fonds erken en vier ons die onskatbare waarde en bydraes van senior dames tot ons gesinne en die samelewing.

Ons Borge

“Die Skoonheid van Ouderdom”
In elke lyn, ‘n lewensverhaal, ‘n skat van wysheid, sterkte, en bepaal, die skoonheid van ouer word, ‘n testament van lewe, ‘n pryslike koord.

“Die Krag van ‘n Senior Dame”
Mag die krag van ‘n senior dame straal, deur elke rimpel, elke
traanverhaal. Sy dra haar jare met waardigheid, ‘n bewys van
standvastigheid.

Lees Ons Jongste Nuus

Ons Galery

Maak ‘n Verskil

Jy kan deel word van ons missie, om ons senior dames te eer en te bederf, deur ‘n skenker te word. Jou vrygewigheid stel ons in staat om hierdie spesiale oomblikke voortdurend vir merkwaardige vroue in ons gemeenskap te kan skep. Of jy nou ‘n eenmalige skenking maak of ‘n maandelikse debietorder opstel, jou bydrae sal ‘n betekenisvolle impak hê.

As ‘n skenker maak jy nie net ‘n verskil in die lewens van senior dames nie, maar geniet jy ook belastingvoordele: Afri-Vroue Fonds kan vir jou ‘n A18-sertifikaat verskaf wat belastingvoordele ontsuit, as ‘n blyk van ons dankbaarheid vir jou ondersteuning.

Vul graag die kontak vorm in om meer uit te vind van ons donasie proses

VOORDELE VIR DIE DONATEUR

Gratis begrafnisdekking ter waarde van R2000.00 (onderskryf deur African Unity Life).*
Gratis testament
Gratis kwotasie vir korttermynversekering (Santam).
Die Donateur mag aansoek doen vir bykomende begrafnisdekking ter waarde van R10 000.00 of R20 000.00

*U geniet gratis R2000 begrafnisdekking vir uself indien u minstens R1200 per jaar sou skenk, of ‘n eenmalige bedrag van R2000.00. U mag ‘n begunstigde aanwys of u mag die R2000.00 nalaat aan die fonds. Dit is u keuse.